Nigawas ka nga walay payong, naghunahuna nga, “Dali ra ni! Taligsik ra man.” Apan sa paghuman sa adlaw, ping-ot na imong ilong, nagluha imong mga mata, ug nagsugod na pud ang kasakit sa ulo. Posible nga gisunggan ka na og Subaw o head cold.
Tingali nakadungog na ka ani gikan sa imong lola, mama, o bisan sa imong mga kaila — “Ge subawan na siguro ka.” Pero unsa gyud diay ang Subaw? Sip-on ra ba ni, o naa pay mas lawom nga hinungdan?
Dia ang pila ka mga butang nga basin wala pa nimo nahibaw-an bahin sa subaw o head colds, ug unsaon sa Phenylpropanolamine HCl + Chlorphenamine Maleate + Paracetamol (DECOLGEN® FORTE) pagtabang sa pagpahupay sa mga simtoma niini.
1. Ang Subaw Makaapekto sa Ulo
Ang Subaw o head cold mao ang tawag sa kombinasyon sa mga simtoma nga makaapekto sa upper respiratory tract. Kani nga mga simtoma naglakip sa ping-ot nga ilong, kasakit sa ulo, nagluha nga mga mata, ug bug-at nga pamati sa lawas.
Usahay, makasinati usab ang usa ka tawo og hilanat, panakit sa lawas, o dry cough.
2. Ang Subaw Kay Viral
Kasagaran, ang Subaw mahitabo tungod sa virus. Mosulod ang virus sa lawas pinaagi sa imong ilong o baba ug mopilit sa mga cells sa ilong ug tutunlan. Human niini, magsugod kini ug paghimo ug daghang kopya sa iyang kaugalingon ug makadaot sa mga cells.
Mao kini ang hinungdan nganong motubag ang imong immune system ug magpadala og mga neutrophils (immune cells) ngadto sa apektadong bahin — mao pud ni ang hinungdan sa mga simtoma sama sa ping-ot nga ilong, kasakit sa ulo, ug nagluha nga mga mata.
3. Ang Subaw Makatakod
Kung naa kay Subaw, maayo nga magsul-ob og face mask aron matakluban ang imong baba ug ilong, labi na kung naa kay kauban nga tawo kay dali ra kaayo makatakod ug mukatag ang virus nga hinungdan sa sip-on.
Kung manghatsing, muubo, o makig-istorya ka, daghang gagmay nga virus ang molupad sa hangin ug mahimong malanghap sa uban. Ang virus makapabilin usab sa mga butang sama sa lamisa, kuptanan sa purtahan, o selpon sulod sa pipila ka oras. Kung makuptan nimo kini ug mahikap ang imong nawong, mahimo pud ka nga matakdan.
4. Ang Subaw Magdugay og Mga Usa ka Semana
Ang mga simtoma kasagarang mogawas sulod sa usa kutob tulo (1–3) ka adlaw human ka masudlan sa virus. Ang sakit mahimong mogawas ug hangtod napulo (10) ka adlaw, depende sa imong immune system.
Sa sinugdanan, kasagarang mosugod sa kasakit sa tutunlan, kakapoy, o kaluya. Sunod niini mao ang mas klaro nga mga simtoma — ping-ot nga ilong, pagsinghot-singhot, ug pag-ubo. Bisan pa wala pay gipamati ang usa ka tawo, mahimo gihapon siyang makatakod sa virus sa uban.
5. Ang Subaw Makadala og Komplikasyon
Ang virus nga hinungdan sa Subaw makapaluya sa depensa sa lawas, hinungdan nga mas dali ka maapektuhan sa sinus infection, middle ear infection, o bronchitis.
Alang sa mga tawo nga adunay daan nga sakit sa pagginhawa sama sa asthma, chronic bronchitis, o emphysema, mahimong mas grabe o mas mugawas ang ilang mga simtoma. Sa pipila ka kaso, kinahanglan pa og dugang nga medikal nga tambal o pag-atiman.
Ayaw Tugotii ang Subaw nga Makaguba sa Imong Adlaw
Hatagi og TLC (tender loving care) ang imong kaugalingon kung naa kay Subaw — siguradong moingon imong lawas og “daghang salamat” ana.
Ang pag-ingon nga “Subaw ra ni” dili rason nga mag-antus. Bisan ang hilanat, kasakit sa lawas, o kaluya makapahinay nimo, mao nga mas maayo nga tabangan imong lawas nga mahupay dayon.
Sugdi sa pag-inom og daghang tubig aron makontrol ang temperatura sa lawas ug mapagawas ang mga toxin. Ipares kini sa balanseng pagkaon aron mabalik ang kusog ug nutrisyon nga gikinahanglan sa imong lawas. Ug syempre, pahulay og maayo — mas epektibo ang immune system kung sakto ang pahulay.
Kung magsugod nang makasamok sa imong adlaw ang mga simtoma, panahon na nga mutabang ang over-the-counter nga tambal aron mas maayo ang imong paminaw.
Ang decongestants, antihistamines, ug pain relievers makatabang sa pagkontrol sa kasakit samtang naa kay Subaw. Sunda lang ang recommended dosage. Kung dili pa gihapon mawala ang mga simtoma human sa napulo ka adlaw, pakig-konsulta na sa doktor.
Kung nagapangita ka og over-the-counter nga tambal sa subaw, konsideraha ang Phenylpropanolamine HCl + Chlorphenamine Maleate + Paracetamol (DECOLGEN® FORTE). Naglangkob kini og kombinasyon sa mga tambal nga makatabang sa pag-target sa daghang simtoma nga kasagarang kauban sa Subaw.
- Phenylpropanolamine HCl – usa ka powerful nga nasal decongestant nga makatabang sa pag-clear sa obstructed ug congested nga air passages, aron mas sayon ang pagginhawa.
- Chlorphenamine Maleate – usa ka antihistamine nga makatabang sa pagpahupay sa sip-on, pagbahing, ug nagluha nga mga mata.
- Paracetamol – usa ka tambal nga makatabang sa pagpawala sa hilanat ug kasakit sa lawas.
Pila ug Kanus-a Dapat Kini Gamiton nga Tambal?
Para sa mga adults ug bata nga 12 anyos pataas: pagtumar og usa (1) ka tablet matag unom (6) ka oras o sumala sa tambag sa imong doktor. Para sa dugang kasayuran sa safety ug precaution, tan-awa ang Patient Information Leaflet.
Kung magpadayon ang mga simtoma, pakig-konsulta na sa doktor.
References
- Binisaya – Subaw
- TKDL – Subaw
- Philippine Languages – Subaw
- Healthline – Head Cold
- Medical News Today
- Johns Hopkins – Common Cold
- PubMed
ASC Reference No. U0181P010626D
