Isa sa mga pangunahing iniisip ng mga magulang araw-araw ay ang kalusugan ng kanilang anak. Hindi maikakaila na kahit na karaniwan ang magkaroon ng lagnat ang mga bata, laging nariyan ang pangangamba ng mga magulang. Ang patuloy na pag-init ng kanilang katawan at ang di-matapos-tapos na pag-iyak ay maaaring magdulot ng pag-aalala, lalo na kung sila ay 0-12 years old pa lamang. Subalit, hindi dapat maging sanhi ang sitwasyon na ito ng sobrang pag-panic.
Sa artikulong ito, ibabahagi namin ang mga hakbang at tips sa tamang paghahanda upang mapanatag ang iyong loob sa oras ng pangangailangan ng iyong mga anak.
Bakit Importante ang lagnat?
Hangga't maaari, mas maganda pa rin na mapanatiling walang sakit ang mga babies. Ngunit alam niyo ba na ang pagkakaroon ng lagnat ay isang magandang senyales? Ang lagnat ay parang alarm ng kanilang immune system. Ang pag-akyat ng temperatura ay isang natural na reaksyon ng katawan sa mga pagbabago o pag-atake ng mga mikrobyo, tulad ng virus o bacteria.
Anu-ano nga ba ang mga senyales na may lagnat si baby?
Ang lagnat ay karaniwang senyales ng posibleng problema sa kalusugan, kaya't mahalaga ang maagang pagkilala sa mga sintomas. Ito ay makakatulong sa tamang pangangalaga at sa maagang pagpunta sa doktor para sa nararapat na lunas.
Kung mayroon ang mga anak niyo ng isa o higit pa sa mga sumusunod na sintomas, may posibilidad na may lagnat sila.
-Ang temperatura sa puwitan (rectum), tenga, o noo ay 100.4° F (38.0° C) o higit pa
-Ang temperatura sa ilalim ng braso (kilikili) ay 99° F (37.2° C) o higit pa
Paalala: Hindi maaasahan ang temperatura sa tenga bago mag-6 na buwan ng edad
Kailan nagkakaroon ng lagnat ang mga babies?
Ilan sa mga pwedeng dahilan ng pagkakaroon ng lagnat ng mga bata ay ang sumusunod:
- Infection: Puwedeng makuha ang lagnat mula sa mga virus o bacteria. Halimbawa, kahit simpleng sipon o ubo ay puwedeng magdulot ng lagnat.
- Teething: Oo, ang paglabas ng ngipin ay puwedeng rin maging sanhi ng lagnat. Sobrang sakit ang nararamdaman ng mga babies habang lumalaki ang kanilang mga ngipin.
- Pagbabakuna: Pagkatapos ng bakuna, maaari magkaroon ng sinat ang mga babies. Normal na proseso ito ng katawan sa pagpapalakas ng resistensya.
- Environment: Kasama dito ang kuwarto kung saan natutulog si baby. Ang init o lamig ng paligid ay maaaring makaapekto sa temperatura ng katawan ng baby. Nangyayari ito dahil wala pang kakayahan ang bata na iregulate ang init ng kanyang katawan.
Narito ang ilang mga tips at hakbang upang matulungan sa pangangalaga ng lagnat sa mga sanggol:
Kumunsulta sa Pediatrician: Una at pinakamahalaga, kung may lagnat ang iyong bagong panganak, mahalaga na makipag-ugnayan agad sa iyong pediatrician. Ang mga sanggol ay mas madaling maapektuhan, at ang propesyonal na payo sa medisina ay kailangan.
Panatilihin ang tamang hydration: Siguruhing laging may sapat na inumin ang iyong baby. Kung breastfeeding, ipagpatuloy ang pagpapasuso kung kinakailangan. Kung formula ang gamit, sundin ang mga rekomendasyon ng pediatrician para sa pagpapakain.
Para sa mga sanggol na may edad 0-12 buwan, mahalaga ang eksklusibong pagpapasuso. Ang gatas ng ina ay nagbibigay ng mga mahahalagang sustansiyang kinakailangan para sa tamang paglaki. Pagkatapos ng anim na buwan, pwedeng ipakilala ng paunti-unti ang tubig, lalo na kapag nagsisimula na silang kumain ng solid foods. Gayunpaman, hindi ito dapat gawing pamalit sa gatas ng ina.
Preskong damit para hindi sobrang mainitan ang mga babies: Mga mommies, siguruhing hindi masyadong mainit ang kanilang damit. Tandaan na hindi pa nila kayang iregulate ang kanilang sariling temperatures, at ang sobrang init ay maaaring mag-trigger sa kanilang katawan na uminit ng sobra.
Tamang temperatura sa Kuwarto: Panatilihin ang tamang temperatura sa kwarto, hindi sobrang init o sobrang lamig. Gamitin ang electric fan o i-adjust ang thermostat para manatiling komportable ang paligid.
Sponge Bath: Kung inirerekomenda lamang ng iyong pediatrician, maaari mong bigyan ang iyong baby ng sponge bath gamit ang maligamgam na tubig. Iwasan ang malamig na tubig, dahil ito ay maaaring magdulot ng irritation at pagbaba ng temperatura ng katawan. Huwag din gumamit ng alcohol kung nagbabalak ng sponge bath.
Obserbahan ang temperatura ng Iyong Baby: Gamit ang digital thermometer na ginawa para sa mga sanggol. I-report agad sa iyong pediatrician kung patuloy o lumalala ang lagnat ng inyong mga anak.
Sundan ang schedule ng pagpapakain: Manatili sa regular na schedule ng pagpapakain ng iyong baby. Ang tamang nutrisyon ay mahalaga sa panahon ng karamdaman, at ang madalas na pagpapakain ay makakatulong sa pag-iwas sa dehydration.
Mga tulong sa pagpapababa ng lagnat: Painumin lamang ng mga pampababa ng lagnat ang mga anak niyo kung ito ay inirekomenda ng iyong pediatrician. Huwag magbigay ng kahit ano kung walang konsultasyon sa isang propesyonal sa medisina.
Para sa pagpapababa ng lagnat ng mga batang 0-12 taong gulang, makakatulong ang Paracetamol (Biogesic®) for Kids.
Thank you sa TasteRite technology ng Paracetamol (Biogesic®) for Kids, makakatulong ito sa pagpapadali na bigyang ng gamot ang mga bata. Mommies, may option kayo na pumili mula sa orange o melon flavors. Dagdag pa, puwede mo rin mabili ang Paracetamol (Biogesic®) sa drops o syrup format. Available ito sa mga botika at online drugstores. Super convenient, 'di ba?
Tiyakin lamang na sinusunod mo ang mga suggested usage. Dagdag pa rito, maaari rin itong ibigay kahit sa mga batang may lagnat dahil sa dengue o post-immunization.
Tandaan, ang mga tips na ito ay pangkalahatan lamang, at ang partikular na gabay mula sa iyong doctor ay napakahalaga. Huwag mag-atubiling magtanong o humingi ng propesyonal na payo pagdating sa kalusugan ng iyong bagong panganak.
Mahalaga ang regular na check-up sa pediatrician para sa pagsusuri at payo ukol sa lagnat ng iyong baby. Wag kalimutan ang "mommy instincts" – kung may kakaiba sa pakiramdam ng baby, magtanong at magpatingin agad!
If symptoms persist, consult your doctor.
ASC Reference No. U0177P072924B
References:
When to worry about your child's fever
Newborn Clothes and Dressing a Newborn
Australian Competition and Consumer Commission (ACCC). (2019). Nightwear for children. ACCC. Retrieved 28 March 2023 from Nightwear for children mandatory standard.
Kelly, B.A., Irigoyen, M.M., Pomerantz, S.C., Mondesir, M., & Isaza-Brando, N. (2017). Swaddling and infant sleeping practices. Journal of Community Health, 42(1), 10-14. Swaddling and Infant Sleeping Practices.
Fever (High Temperature) In Kids
